ایم کیو ایم کے رہنما و سابق وفاقی وزیر سید امین الحق نے کہا ہے کہ سندھ میں پی پی مخالف ووٹ کو ساتھ ملا کر چلنا ہے۔

تفصیلات کے مطابق ایم کیو ایم رہنما امین الحق نے مسلم لیگ (ن) کے رہنما نہال ہاشمی کے ہمراہ پریس کانفرنس کرتے ہوئے کہا کہ اہم ملاقات میں عام انتخابات میں مشترکہ حکمت علی پر بات ہوئی ہے، پیپلز پارٹی نے سندھ کو پچھلے15 سالوں میں برباد کر کے رکھ دیا، سندھ میں پی پی مخالف ووٹ کو ساتھ ملا کر چلنا ہے۔

رہنما ایم کیو ایم نے کہا کہ 2018 کا زکر تو ایسا ہے جیسے بھیانک خواب ہو، پچھلے 5 سال سے (ن) لیگ کے ساتھ اچھا ورکنگ ریلیشن شپ ہے۔

مسلم لیگ (ن) کے رہنما نہال ہاشمی کا اس موقع پر کہنا تھا کہ پنجاب میں (ن) لیگ کی پوزیشن ہر گزرتے دن کے ساتھ بہتر ہوتی جا رہی ہے، ہمارا اتحاد نواز شریف کے وژن کو آگے لیکر بڑھنا ہے، سندھ کے ساتھ جو استحصال ہوا وہ ختم کریں گے۔

واضح رہے کہ کچھ دیر قبل مسلم لیگ (ن) اور ایم کیو ایم کے وفد کے درمیان اہم ملاقات ہوئی جس میں کراچی میں سیٹ ایڈجسٹمنٹ پر بات چیت کی گئی۔

اس ملاقات میں عام انتخابات کے حوالے سے انتخابی اتحاد کے نکات پر مشاورت کی گئی جہاں دونوں جماعتوں کے رہنماؤں نے تمام تر نکات اپنی اپنی قیادت کے سامنے رکھے۔

ملاقات میں ہونے والی گفتگو کے بعد دونوں جماعتوں کے مرکزی رہنماؤں کی ملاقات ہوئی۔

ملاقات میں ایم کیو ایم سے سابق وزیر امین الحق، جاوید حنیف اور حسان صابر جبکہ ن لیگ سے نہال ہاشمی، علی اکبر گجر و دیگر شریک تھے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/231783/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/231783/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں