خیبر پختونخوا میں ایم ڈی کیٹ ٹیسٹ کے بعد پبلک سروس کمیشن میں بھی نقل کرنے کا انکشاف ہوا ہے۔

تفصیلات کے مطابق پبلک سروس کمیشن نے دوبارہ امتحان کے لیے پبلک نوٹس جاری کرتے ہوئے کہا کہ محکمہ آبپاشی اور سی این ڈبلیو میں ایس ڈی او کی بھرتی کے لیے 24 جون کو منعقد ہونے والے ٹیسٹ میں وزیرِ اعظم پورٹل پر نقل سے متعلق شکایت پیشگی موصول ہوئی تھیں، ٹیسٹ کے دوران 18 امیدواروں کو نقل کرتے پکڑا گیا۔

کمیشن کا کہنا ہے کہ امیدواروں سے الیکٹرانک آلات، گائیڈ اور نقل کے دیگر مواد برآمد ہوئے جس کے بعد نقل کرنے والے امیدواروں کے پرچے منسوخ کر دیے گئے۔

کمیشن کے مطابق امیدواروں پر ایک سے تین سال امتحان دینے پر پابندی لگا دی ہے، متعلقہ ٹیسٹ دوبارہ 23 دسمبر کو لیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/276192/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/276192/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں