سیکیورٹی فورسز نے پاکستان ایئر فورس ٹریننگ بیس میانوالی پر حملہ ناکام بنا کر 9 دہشتگرد ہلاک کر دیے۔

پاک فوج کے شعبہ تعلقات عامہ (آئی ایس پی آر) کے مطابق دہشتگردوں نے آج علی الصبح میانوالی ایئربیس پر حملے کی کوشش کی مگر ایئربیس پر متعین دستوں کی فوری اور موثر کارروائی کے باعث حملہ ناکام بنا دیا گیا۔

بروقت اور موثر کارروائی کے نتیجے میں پی اے ایف ائیربیس میانوالی پر حملہ کرنے والے 9 دہشتگردوں کو جہنم واصل کر دیا گیا۔

کارروائی کے دوران پہلے سے گرائونڈڈ 2 طیاروں کو اور 1 فیول بائوزر کو نقصان ہوا۔

صبح سویرے دہشتگردوں کے ناکام حملے کے بعد سیکیورٹی فورسز نے کومبنگ اینڈ کلئیرنس آپریشن کا آغاز کیا تھا جو کہ اب مکمل کر لیا گیا ہے، پاکستان کی مسلح افواج مادر وطن سے دہشت گردی کی لعنت کے خاتمے کے لئے پرعزم ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/11/291942/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/291942/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں