وزیر اعظم آزاد کشمیر چوہدری انوار الحق نے کہا ہے کہ تعلیم اور طبی سہولیات کی فراہمی حکومتی ترجیحات میں شامل ہے۔

تفصیلات کے مطابق وزیر اعظم آزاد کشمیر چوہدری انوار الحق کی زیر صدارت آزاد کشمیر کابینہ ترقیاتی کمیٹی کا اجلاس منعقد ہوا جس میں مجموعی طور پر 15ارب روپے سے زائد مالیت کے 30منصوبہ جات زیر غور لائے گئے۔

اجلاس میں کشمیر ڈویلپمنٹ پروگرام کے تحت کوٹلی میں 20کلومیٹر لنک روڈ کے نظر ثانی منصوبہ لاگتی 50کروڑ 33لاکھ کی منظوری جبکہ تعمیر کشمیر پروگرام کے تحت 28انتخابی حلقہ جات میں 816کلومیٹر سڑکات کی بھی منظوری دی گئی۔

وزیر اعظم آزاد کشمیر چوہدری انوار الحق نے کہا کہ زرائع رسل و رسائل، تعلیم اور طبی سہولیات کی فراہمی حکومتی ترجیحات میں شامل ہے، منصوبہ جات کی شفاف انداز میں مقررہ مدت کے اندر پایہ تکمیل کو پہنچایا جائے، آزادکشمیر کے تمام حلقوں میں برابری کی سطح پر فنڈز کی منصفانہ تقسیم کو یقینی بنا رہے ہیں۔

انہوں نے کہا کہ تمام ترقیاتی منصوبے عوام کی ضرورت کو مدنظر رکھتے ہوئے تیار کیے جائیں، کام کے معیار، تکمیل اور شفافیت پرکوئی سمجھوتہ نہیں کیا جائے گا، ای ٹینڈرنگ کو یقینی بنایا جائے گا تاکہ منصوبوں کی تکمیل میں شفافیت لائی جا سکے، وزراء کرام اور متعلقہ حکام ترقیاتی منصوبہ جات کی موثر مانیٹرنگ یقینی بنائیں۔

اجلاس میں اراکین کابینہ، چیف سیکرٹری، متعلقہ سیکرٹری صاحبان نے بھی شرکت کی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/298763/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/298763/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں