فلسطینی وزیر خارجہ نے امداد بھجوانے پر پاکستان کا شکریہ ادا کیا ہے۔

تفصیلات کے مطابق نگراں وزیر خارجہ جلیل عباس جیلانی کا فلسطینی ہم منصب سے رابطہ ہوا ہے۔

جلیل عباس جیلانی نے فلسطینی وزیر خارجہ ریاض المالکی سے ٹیلی فون پر بات کر کے پاکستان کی عوام اور حکومت کی جانب سے تعزیت کا اظہار کیا۔

 نگراں وزیر خارجہ جلیل عباس جیلانی نے فلسطینی وزیر خارجہ کو بتایا کہ فلسطینی اسرائیل کی اس بربریت میں تنہا نہیں ہے، پاکستان فلسطینیوں کے ساتھ مکمل اظہار یکجہتی کرتا ہے۔

 اس موقع پر فلسطینی وزیر خارجہ نے امداد بھجوانے پر پاکستان کا شکریہ ادا کیا۔

 پاک فوج نے فلسطینی عوام کیلئے امداد کی دوسری کھیپ روانہ کردی

پاک فوج اور نیشنل ڈیزاسٹر مینجمنٹ اتھارٹی نے غزہ کیلئے امداد کی دوسری کھیپ اسلام آباد سے براستہ مصر روانہ کردی ہے۔

دوسری کھیپ 89.6 ٹن پر مشتمل ہے جس میں حکومت پاکستان کی جانب سے 40 ٹن فوڈ پیک جبکہ 3 ٹن فوڈ بیگز، 10.8 ٹن ادویات، 26 ٹن حفظان صحت اور پاکستان میں این جی اوز کے تعاون سے بچوں کی کٹس شامل ہیں۔

یہ امدادی سامان سپیشل چارٹرڈ طیارے کے ذریعے اسلام آباد سے الائرش مصر بھیجا جارہا ہے،امدادی سامان کی یہ کھیپ مصر کی ریڈ کریسنٹ سوسائٹی کے حوالے کیا جائے گا جو مصر سے سامان غزہ روانہ کرے گا۔

اس سے قبل پاکستان نے مظلوم فلسطینی بہن بھائیوں کی امداد کیلئے موسم سرما کیلئے ایک ہزار خیمے، چار ہزار کمبل اور تین ٹن ادویات بھیج چکا ہے۔

پاکستان کی جانب سے روانہ کی گئی دوسری کھیپ کا مقصد متاثرین غزہ کو مزید ریلیف فراہم کرنا ہے،پاکستان مشکل کی اس گھڑی میں فلسطینی بہن بھائیوں کے ساتھ کھڑا ہے اور ان کی حمایت جاری رکھے گا۔

فلسطینیوں کیلئے 90 ٹن امدادی سامان روانہ کردیا گیا ہے، نگران وزیر خارجہ

غزہ میں فلسطینی بھائیوں اور بہنوں کے لئے انسانی امداد کی دوسری کھیپ آج بھیجی گئی جبکہ  نگران وزیر خارجہ جلیل عباس جیلانی نے کھیپ لے جانے والے خصوصی طیارے کو روانہ کیا۔

اس سے بعد نگران وزیر خارجہ نے میڈیا سے گفتگو کرتے ہوئے کہا کہ امدادی سامان انسانی ہمدردی کی بنیاد پر بھجوایا جارہا ہے، حکومت کی جانب سے 90 ٹن امدادی سامان روانہ کیا جارہا ہے، فلسطین کے ساتھ کھڑے ہیں اور ہمیشہ کھڑے رہیں گے۔

انہوں نے کہا کہ فلسطین میں ہونے والی شہادتوں پر رنجیدہ ہیں، خواہش ہے فلسطین کے عوام کو ان کا حق جلد ملے۔

جلیل عباس جیلانی نے مزید کہا کہ فلسطینی بہن بھائی کئی برس سے ظلم کی چکی میں پس رہے ہیں، ایک ماہ سے غزہ میں انسانی حقوق کی پامالی ہوئی ہے۔

چند روز قبل پاکستان کا بڑا اقدام سامنے آیا تھا حکومت نے فلسطینیوں کے لیے فوری طور پر انسانی بنیادوں پر امداد غزہ روانہ کرنے کا فیصلہ کیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/367156/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/367156/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں