جنسی تشدد کا شکار خواتین کو مدد فراہم کرنے کے لئے حکومت پنجاب کا بڑا قدم اٹھا لیا۔

تفصیلات کے مطابق صوبہ پنجاب میں اپنی نوعیت کے پہلے “انٹی ریپ کرائسسز سیل” کے قیام کی تیاریاں مکمل کر لی گئیں۔

حکومت پنجاب اور یونائٹڈ نیشن وومن کے اشتراک سے انٹی ریپ کرائسسز سیل نشتر ہسپتال کے گائنی آوٹ ڈور میں قائم کیا جائے گا، سیل جنسی زیادتی کا شکار خواتین کے میڈیکل  شواہد محفوظ کرنے کے لئے کام کرے گا۔

ایڈیشنل چیف سیکرٹری ساوتھ پنجاب کیپٹن (ر) ثاقب ظفر نے نشتر ہسپتال گائنی آوٹ ڈور کا دورہ اور اجلاس کی صدارت کی جس کے دوران ان کا کہنا تھا کہ جنوبی پنجاب میں انٹی ریپ کرائسسز سیل کا قیام انتہائی احسن اقدام ہے، انٹی ریپ کرائسسز سیل جنسی تشدد کا شکار خواتین کے لئے انصاف کے حصول کا باعث بنے گا، میڈیکل شواہد ضائع ہو جانے کی وجہ سے جنسی تشدد کا شکار خواتین انصاف سے محروم ہو جاتی ہیں۔

ایڈیشنل چیف سیکرٹری ساوتھ پنجاب کا کہنا تھا کہ بہالپور اور مظفرگڑھ میں بھی بہت جلد انٹی ریپ کرائسسز سیل قائم کئے جائیں گے، جنوبی پنجاب سیکرٹریٹ سیل کو فعال اور موثر بنانے میں بھرپور کردار ادا کرے گا۔

سیکرٹری وومن ڈویلپمنٹ سمیرا صمد نے کہا کہ صوبہ پنجاب کے 38 اضلاع میں انٹی ریپ کرائسسز سیل قائم قائم کئے جا رہے ہیں، ضلع کے کسی بھی تھانے میں ریپ کی ایف آئی آر درج ہونے پر متعلقہ پولیس آفیسر سیل کو مطلع کرے گا، سیل کیس کے شواہد محفوظ بنانے کے لئے متاثرین کے میڈیکولیگل اور فارنزک رپورٹ کے لئے معاونت فراہم  کرے گا، متاثرہ خاتون کو قانونی اور علاج معالجہ کی سہولت بھی فراہم کی جائے گی، انٹی ریپ کراسسز سیل میں انسداد تشدد مرکز برائے خواتین کا ڈیسک بھی قائم کیا جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/11/443233/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/443233/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں