اسلام آباد: افغان باشندوں سمیت غیر قانونی غیر ملکیوں کی وطن واپسی کا سلسلہ جاری ہے۔

تفصیلات کے مطابق چمن اور طورخم بارڈر سے اب تک مجموعی طور پر ایک لاکھ 82 ہزار 154 غیر قانونی افغان باشندوں کو واپس بھیجا جا چکا ہے۔

غیر قانونی مقیم افغان باشندوں کے 260 خاندانوں کو 186 گاڑیوں میں افغانستان واپس بھیجا گیا اور یہ سلسلہ روزانہ کی بنیاد پر جاری ہے۔

گزشتہ روز غیر قانونی طور پر مقیم افغان باشندوں کی بڑی تعداد اپنے وطن واپس چلی گئی، 4 نومبر کو 7135 غیر قانونی مقیم افغان باشندے اپنے ملک واپس گئے جن میں 2330 مرد، 1765 خواتین اور 3040 بچے شامل تھے۔

اس کے علاوہ خیبرپختونخوا اور بلوچستان کے مختلف اضلاع میں غیر قانونی افراد کے لیے عارضی ٹرانزٹ کیمپ قائم کیے گئے ہیںم جس میں قیام اور سفر کے دوران بچوں کو سرد موسم سے بچانے کے لیے ان میں جوتے اور گرم کپڑے تقسیم کیے جا رہے ہیں۔

وطن واپس آنے والے تارکین وطن کو بہتر سہولیات فراہم کرنے کے لیے حکومت، سیکیورٹی ایجنسیاں اور سول انتظامیہ جوش و خروش سے کام کر رہی ہے۔

واضح رہے کہ واپس جانے والے افراد کی سہولت اور کراسنگ پوائنٹس پرآسانی کے لیے نادرا کی طرف سے اسپیشل ایپلیکیشن متعارف کروائی گئی ہے جبکہ غیرقانونی غیرملکیوں کے وطن واپسی کے عمل کی نگرانی اور سہولت کے لیے وزارتِ داخلہ میں بھی کنٹرول روم بنایا گیا ہے۔

علاوہ ازیں پاک افغان بارڈر پر آمدورفت کی سہولت کے لیے قلعہ عبداللہ اور خیبر (جمرود) میں 2 نئے پاسپورٹ آفسزکے ساتھ ساتھ کسی بھی صورت حال سے نمٹنے کے لیے خیبرپختونخوا حکومت نے 1700 ایمرجنسی نمبر بھی جاری کیے ہیں جبکہ ڈیپورٹیشن کے ساتھ ساتھ آئندہ کے لیے پاک افغان بارڈر پر ون ڈاکومنٹ (پاسپورٹ) ریجیم بھی نافذالعمل کردی گئی ہے۔

31 اکتوبر کی ڈیڈ لائن دینے کے بعد غیر قانونی غیر ملکی شہریوں کا محفوظ انخلا حکومت کی اولین ترجیح ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/485171/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/485171/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں