کراچی کے علاقے گلستان جوہر بلاک 7 میں پانچ ملزمان نے گھر لوٹ لیا ہے۔

تفصیلات کے مطابق ملزمان ایک کے بعد ایک واردات کرتے رہے لیکن پولیس نہ پہنچی، ملزمان واردات کے بعد شہریوں کی موٹرسائکلیں بھی چھین کر فرار ہوگئے اور گلی میں موجود چوکیدار کو بھی گولی ماردی۔

وارداتوں کی سی سی ٹی وی فوٹیج بھی بول نیوز پر آگئی ہے۔

 فوٹیج میں دیکھا جا سکتا ہے کہ ڈکیتی کی واردات تین روز قبل دن دیہاڑے کی گئی، پانچ ملزمان گھر میں داخل ہوئے اور اہلخانہ کو یرغمال بنالیا، گھر سے لاکھوں روپے نقد، سونے کے زیورات اور دیگر قیمتی سامان لوٹا گیا اور ملزمان گھر لائسنس یافتہ پستول بھی لوٹ کر لے گئے۔

ملزمان کافی دیر تک گھر میں  واردات کرتے رہے، ڈکیتی کے بعد شور سن کرپیچھے آنے والے چوکیدار کو فرار ہوتے ہوئے ڈاکوؤں نے گولی ماردی، فرار ہوتے ملزمان گلی سے دو شہریوں سے موٹر سائیکلیں چھین کر لے گئے اور اپنی دونوں موٹرسائیکلیں گلی میں پھینک کر فرار ہوگئے، واقعے کا مقدمہ درج کر لیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/519003/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/519003/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں