استحکام پاکستان پارٹی (آئی پی پی) سندھ میں قدم جمانے اور سیاسی اتحاد بنانے کیلئے متحرک ہو گئی۔

تفصیلات کے مطابق آئی پی پی کے صوبائی جنرل سیکرٹری علی جونیجو نے اپنے ایک بیان میں کہا کہ آئی پی پی کو سندھ میں بڑی کامیابیاں ملنے جا رہی ہیں، ہم سندھ سے اہم سیاسی شخصیات سے رابطے میں ہیں۔

علی جونیجو نے کہا کہ سندھ بھر میں جلسوں اور ورکرز کنونشن کا سلسلہ بھی شروع کرنے جا رہے ہیں، پارٹی کو صوبے بھر میں مضبوط فعال بنانے کیلئے کوششیں تیز کر دی گئی ہیں۔

ان کا کہنا تھا کہ کراچی میں لوگ آئی پی پی کا حصہ بن رہے ہیں، کراچی سمیت پورے صوبے میں تنظیم سازی کو مزید تیز کر دیا گیا ہے۔

واضح رہے کہ الیکشن کمیشن اعلان کر چکا ہے کہ جنوری کے آخری ہفتے میں انتخابات کرائے جائیں گے جبکہ سپریم کورٹ میں 11 فروری کی تاریخ سامنے آئی تاہم صدر سے مشاورت کے بعد 8 فروری کی تاریخ پر اتفاق ہوا۔

قومی اسمبلی اور چاروں صوبائی اسمبلیوں کے انتخابات آٹھ فروری کو کرائے جائیں گے جس کا الیکشن کمیشن کی جانب سے باضابطہ طور پر نوٹیفکیشن بھی جاری کردیا گیا ہے۔

بعدازاں الیکشن کمیشن کی جانب سے عام انتخابات کی تیاریاں جاری ہیں تاہم الیکشن کے اعلان مسلم لیگ ن اور متحدہ قومی موومنٹ پاکستان (ایم کیو ایم) نے 8 فروری کو ہونے والے عام انتخابات مل کر لڑنے کا اعلان کیا جبکہ پیپلز پارٹی نے عام انتخابات میں سولو فلائٹ لینے کا فیصلہ کیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/519557/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/519557/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں