نگران وزیراعلیٰ سندھ جسٹس (ر) مقبول باقر نے لاندھی پولیس اسٹیشن اور ٹریفک سیکشن ضلع کورنگی کا دورہ کیا۔

تفصیلات کے مطابق نگران وزیراعلیٰ سندھ نے اپنے دورے کے دوران ایس ایس پی کورنگی کو ہدایت دیتے ہوئے کہا کہ پولیس تھانوں میں بہتری لائیں، میں نے ہر ایک پولیس اسٹیشن کا انسپیکشن کیا ہے، نگراں وزیراعلیٰ سندھ کو ایس ایس پی کی آگاہی

ایس ایس پی کا اس موقع پر کہنا تھا کہ ضلع کورنگی میں 10 پولیس اسٹیشنز ہیں۔

جسٹس (ر) مقبول باقر نے وائرلیس روم کا دورہ کیا جس کے دوران انہیں بریفنگ دی گئی کہ وائرلیس سسٹم کام کر رہا ہے، وائرلیس بجلی بند ہونے کی صورت میں جنریٹر پر چلتا ہے لیکن جنریٹر خراب ہیں، پولیس اسٹیشن کو کل 3 موبائلز ہیں۔

مقبول باقر نے روزنامچہ اور ایف آئی آر بک کا معائنہ کیا جس کے دوران انہوں نے منشیات کے خلاف آپریشن تیز کرنے کی ہدایت دی۔

ایس ایس پی کورنگی نے بریفنگ دیتے ہوئے کہا کہ ایک ماوا اور چھالیہ سے بھرا ہوا رکشہ پکڑا ہے جس پر ایف آئی آر درج کی ہے، آج صبح اسنیچنگ کا واقعہ ہوا جس میں 2 ڈکیت پکڑے ہیں، ایک ڈاکو لاک اپ میں ہے اور دوسرا اسپتال میں ہے، کراچی ڈویژن کے کورنگی ضلع میں اسٹریٹ کرائم کا ریشو کم ہے۔

دوسری جانب نگران وزیر اعلیٰ سندھ جسٹس (ر) مقبول باقر سے ورلڈ بینک کے کنٹری ڈائریکٹر ناجے بینہیسن کی ملاقات ہوئی جس میں پاکستان میں مقرر ورلڈ بینک کے سربراہ نے سیلاب متاثرین کی بحالی پروگرام بہتر طریقے سے چلانے پر سندھ حکومت کی تعریف کی۔

مقبول باقر نے اس موقع پر کہا کہ نیوٹریشن پروگرام بہتر طریقے سے جاری ہے، اس میں ماں اور بچے کی مناسب دیکھ بال ہو رہی ہے، ورلڈ بینک کے تعاون سے سندھ میں ایکسلریٹڈ ایکشن پلان فار ریڈکشن آف اسٹنٹنگ چل رہے، یہ پروگرام صوبے کے دیہی علاقوں میں شروع کیا گیا ہے۔

نگران وزیر اعلیٰ سندھ کا اس موقع پر کہنا تھا کہ کچی آبادیوں کو اچھی ہاؤسنگ اسکیموں میں تبدیل کرنا چاہتے ہیں اور وہاں اچھے اپارٹمینٹ بنانا چاہتے ہیں، اس پروجیکٹ میں رہنے والوں کے حقوق کا بھی تحفظ کرینگے، پہلے مرحلے میں کچی آبادیوں میں موجود خالی پلاٹس پر اونچی عمارتیں بنائیں گے، اس وقت کچی آبادیوں میں افقی آبادی ہے، اس کو عمودی رہائشگاہیں بنانے سے سروس اور ماحول بہتر ہو گا، کراچی کاسموپولیٹن شہر ہے، شہر کراچی کا انداز بڑے اور عظیم شہروں والا ہونا چاہیے۔

کنٹری ڈائریکٹر عالمی بینک نے کہا کہ شہری ترقی کیلئے ورلڈ بینک سندھ حکومت کی مدد کرے گا۔

اس موقع پرنسپل سیکریٹری آغا واصف، چیئرمین پی اینڈ ڈی شکیل منگریجو اور دیگر شری

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/11/532716/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/532716/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں