مسلم لیگ (ن) کے سینئر رہنما و مریم نواز کے شوہر کیپٹن ریٹائرڈ صفدر نے کہا ہے کہ ہم تمام سیاسی جماعتوں کو ساتھ لے کر چلنا چاہتے ہیں۔

تفصیلات کے مطابق مسلم لیگ (ن) کے سینئر رہنما کیپٹن ریٹائرڈ صفدر نے خان عبدالقیوم خان کی قبر پر حاضری دی جس کے دوران انہوں نے مرحوم کے ایصال ثواب کے لیے فاتحہ خوانی کی اور چادر بھی چڑھائی۔

کیپٹن صفدر کا اس موقع پر کہنا تھا کہ مسلم لیگ (ن) کے قائد نواز شریف پاکستان کا مستقبل ہیں، نواز شریف پہلے کی طرح پھر سے ملک کو بحرانوں سے نکال کر ترقی کی راہ پر گامزن کریں گے۔

ان کا کہنا تھا کہ مسلم لیگ (ن) مفاہمت پر یقین رکھتی ہے اسی لیے ہم تمام سیاسی جماعتوں کو ساتھ لے کر چلیں گے۔

واضح رہے کہ صوبہ خیبر پختونخوا میں پارٹی رہنماؤں کے اختلافات ختم کروانے کی ذمہ داری کیپٹن ریٹائرڈ محمد صفدر کو دی گئی ہے جس کے بعد انہوں نے بھی ناراض پارٹی رہنماؤں سے ملاقاتوں کا سلسلہ شروع کردیا۔

کیپٹن (ر) صفدر صوبہ خیبر پختونخوا کے الیکٹیبلز کی پارٹی میں شمولیت کے لئے بھی متحرک ہیں جبکہ انہوں نے صوبہ خیبرپختونخوا کے سیاسی خاندانوں سے ملاقاتیں بھی شروع کر دی ہیں۔

ذرائع نے مزید بتایا کہ نواز شریف کے دورہ کے پی کے میں بڑے سیاسی خاندان ن لیگ میں شمولیت اختیار کریں گے۔

واضح رہے کہ قائد (ن) لیگ نواز شریف کا پرانے ناراض رہنماؤں کو منانے کا مشن جاری ہے، پہلے مرحلے میں کیپٹن (ر) صفدر نے سینئر رہنما اقبال ظفر جھگڑا کو منا لیا تھا جس کے بعد پارٹی صوبائی صدر امیر مقام اور سینئر رہنما اقبال ظفر جھگڑا کے درمیان گلے شکوے ختم ہو گئے۔

کیپٹن (ر) صفدر نے دونوں کی صلح کروا کر رپورٹ نواز شریف کو بھجوا دی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/684471/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/684471/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں