سابق وزیر خزانہ مفتاح اسماعیل نے کہا ہے کہ شہری ٹیکس دیتا ہے قوانین پر عملدر آمد کرنے کا پابند ہوتا ہے۔

تفصیلات کے مطابق سابق وزیر خزانہ مفتاح اسماعیل نے اپنے ایک بیان میں کہا کہ حکومت کے کچھ فرائض ہوتے ہیں جن کوسروس ڈلیوری کہہ سکتے ہیں، بڑے شہروں چھوٹے دیہاتوں میں سروس ڈلیوری نہیں ہورہی، ایم کیوایم نےاچھا بل پیش کیا ہےجس سے سروس ڈلیوری ہوسکتی ہے۔

انہوں نے کہا کہ رومانیہ، نیدرلینڈو دیگر ممالک کی آبادی کراچی سے کم ہے، ہمارےپاس لوکل گورنمنٹ نہیں ہے، اگر پنجاب ایک ملک ہوتا تو دنیا کا گیارہواں بڑا ملک ہوتا۔

ان کا کہنا تھا کہ ڈویژن کو پاور دے دیا گیا ڈسٹرکٹ کو بھی پاور دینے کی ضرورت ہے، اب ریفارمز کا وقت آگیا ہے لیگل ریفامز بہت ضروری ہیں، لوکل گورنمنٹ میں ریفارمز کی بہت ضرورت ہے، شہری ٹیکس دیتا ہے قوانین پرعملدر آمد کرنے کا پابند ہوتا ہے۔