مسلم لیگ ن کے مرکزی رہنما سابق وزیر اعلیٰ پنجاب حمزہ شہباز نے کہا ہے کہ تمام سیاسی پارٹیوں کو مل کر صرف ملکی معیشت پر کام کرنا چاہیے۔

تفصیلات کے مطابق مسلم لیگ ن کے مرکزی رہنما سابق وزیر اعلیٰ پنجاب حمزہ شہباز نے سینئر صحافیوں سے ملاقات میں گفتگو کرتے ہوئے کہا کہ 2014 کے عام انتخابات پچھتر سالہ تاریخ کے مشکل ترین انتخابات ہوں گے، تمام سیاسی پارٹیوں کو مل کر صرف ملکی معیشت پر کام کرنا چاہیے، ہمیں مل کر ڈالر اور پٹرول کی قیمت کو کنٹرول کرنا ہے۔

انہوں نے کہا کہ مجھ پر میرے خاندان پر جھوٹے کیسز بنائے گئے لیکن اللہ تعالیٰ نے سرخرو کیا، اسٹیبلشمنٹ پوری دنیا میں اہم کردار ادا کرتی ہے۔

ان کا کہنا تھا کہ سیاسی جماعتوں میں برداشت کا مادہ ہونا چاہیے، عوام کے مسائل اتنے زیادہ ہیں کہ ہمیں صرف اور صرف ملک کا سوچنا ہے، 16 مہینوں کی حکومت میں شہباز شریف نے اپنی من مانی نہیں کی ورنہ دھڑن تختہ ہوجاتا، ملک میں جب مشکلات آتی ہیں تو سب سے زیادہ قیمت عوام کو دینا پڑتی ہے۔

حمزہ شہباز نے کہا کہ پاکستان کو اللہ تعالی نے بے تحاشا نعمتوں سے نوازا ہے، زراعت کے زریعے ہم اپنی بہت سی مشکلات ختم کرسکتے ہیں۔

انہوں نے کہا کہ کرپشن کو جڑ سے اکھاڑنے کے لئے اقدامات کرنے کی ضرورت ہے، نیب کے طریقہ کار کو میں نہیں مانتا، جب میں وزیر اعلیٰ پنجاب بنا تو ایسے لوگوں کو کرپشن کرتے دیکھا جن کو ٹھیک سمجھتا تھا، جماعتوں میں سیاسی کشمکش رہتی ہے۔

ان کا کہنا تھا کہ ماضی میں ایسا کوئی بھی کام جس سے حکومتی تسلسل میں رکاوٹیں پیدا ہوں ایسا کام نہیں کرنا چاہیے، پاکستان کے پاس بھی یہ آخری موقع ہے سب سے اہم یہ ہے کہ پاکستان کو بچا لیں، جو لوگ چور ڈاکو کہتے تھکتے نہیں تھے وہ آج کہاں ہیں مجھے اس پر بالکل بھی خوشی نہیں ہے، عدم برداشت کے ماحول کو ختم کرنا پڑے گا ایک دوسرے کو برداشت کرنا پڑے گا۔

ان کا یہ بھی کہنا تھا کہ عدم برداشت کی سیاست کو ختم کرتے ہوئے کئی سال لگیں گے، کوئی بھی قانون کسی کے کردار کو کم یا زیادہ نہیں کرسکتا، امریکہ، برطانیہ، ترقی پذیر ممالک ہرجگہ اپنا کردار ادا کرسکتی ہے، کوئی بھی کردار اہم نہیں رہتا اہم ہوتی ہے تو عوام کے لئے فارمنس۔

مسلم لیگ ن کے مرکزی رہنما سابق وزیر اعلیٰ پنجاب حمزہ شہباز نے مزید کہا کہ ساؤتھ پنجاب کے میں نے تین دورے کیے ہیں وہاں کی ٹکٹوں پر بہترین انداز میں کام کررہے ہیں بڑی کامیابی حاصل کریں گے، بہت مشکل انتخابات ہونے جارہے ہیں، سب سے زیادہ اہم یہ ہے کہ یوتھ کو ساتھ ملایا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/742531/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/742531/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں