صدر مسلم لیگ ن و سابق وزیراعظم شہباز شریف نے کہا ہے کہ اللہ تعالی نے موقع دیا تو نواز شریف بلوچستان کی ترقی میں حائل تمام مسائل کو حل کریں گے۔

تفصیلات کے مطابق کوئٹہ میں میڈیا سے گفتگو کرتے ہوئے شہباز شریف کا کہنا تھا کہ اللہ تعالی نے موقع دیا تو میاں نواز شریف بلوچستان کی ترقی میں حائل تمام مسائل کو حل کریں گے، بلاول بھٹو میرے چھوٹے بھائیوں کی طرح ہیں، میں نے بلاول بھٹو کے ساتھ 16 ماہ کام کیا، جن کو عوام منتخب کریں گے، قوم انکو قبول کرے گی، دوبارہ موقع ملا تو نواز شریف بلوچستان کے تمام مسائل حل کریں گے۔

انہوں نے کہا کہ ہم نے ملک کو دیوالیہ ہونے سے بچایا، ریاست بچ گئی سیاست بھی بچ جائے گی، رونے دھونے سے کچھ نہیں ہوگا ایک دوسرے پر الزامات کے بجائے آگے بڑھنا چاہیے۔

ان کا کہنا تھا کہ نواز شریف نے وطن واپس تشریف لانے کے بعد اپنے سیاسی سفر کا آغاز کوئٹہ اور بلوچستان سے کیا ہے، بلوچستان میں سڑکوں کا جال پھیلانے، گوادر پورٹ بنانے اور سی پیک کو یہاں لانے کے لیے بے پناہ کوششیں کرنے والے شخص کا نام نواز شریف ہے۔

شہباز شریف نے مزید کہا کہ ہمیں مل کر اس صوبے کو خوشحال بنانا ہے، ہمیں مل کر سیاسی، معاشی اور معاشرتی مسائل کو حل کرنا ہے، میاں نواز شریف آج صرف ایک سیاستدان نہیں ایک مدبر ہیں، نواز شریف کی تمام صوبوں کے ساتھ والہانہ محبت ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/766804/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/766804/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں