استحکام پاکستان پارٹی کے سربراہ جہانگیر ترین نے چیئرمین پی ٹی آئی کو بڑا سرپرائز دیدیا ہے۔

تفصیلات کے مطابق استحکام پاکستان پارٹی کی جانب سے پاکستان تحریک انصاف کے مزید رہنماؤں سے رابطے کیے گئے ہیں۔

  مظفر گڑھ سے بھی پی ٹی آئی رہنماؤں سے آئی پی پی قیادت نے رابطے کیے ہیں۔ سابق وفاقی وزیر غلام سرور خان 9 نومبر کو جلسے میں آئی پی پی میں شمولیت کا باقاعدہ اعلان کرینگے۔

سابق رکن قومی اسمبلی راجہ خرم شہزاد سے آئی پی پی کی قیادت نے رابطہ کیا ہے۔

اس کے علاوہ گزشتہ روز چیئر مین تحریک انصاف کے قریبی ساتھی اور این اے 131 کے امید وار ندیم ہارون رشید خان نے 9 مئی کے واقعات کی مذمت کرتے ہوئے تحریک انصاف سے اپنی راہیں جدا کرلی تھیں۔

اس موقع پر ندیم ہارون رشید کا کہنا تھا کہ ابھی کسی بھی سیاسی پارٹی کو جوائن نہیں کیا، پاکستان کی جغرافیائی سرحدوں کی محافظ فوج ہمارا سرمایہ ہے، ان کے خلاف ہونے والی کسی بھی سازش کا حصہ نہیں بن سکتا۔

واضح رہے کہ سانحہ 9 مئی کے بعد کئی رہنماؤں نے پاکستان تحریک انصاف کو چھوڑ دیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/798706/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/798706/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں