اسلام آباد: پیپلز پارٹی کے سابق سینیٹر وقار احمد خان نے بھی مسلم لیگ (ن) میں شمولیت کا اعلان کردیا۔

سابق وفاقی وزیر وقار احمد خان نے اسلام آباد میں امیر مقام کے ہمراہ ہمراہ پریس کانفرنس کرتے ہوئے کہا کہ مجھے فخر ہے کہ میں اس پارٹی کا حصہ تھا جس کی قیادت بے نظیر بھٹو شہید کرتی تھیں۔

انہوں نے کہا کہ پیپلز پارٹی اور مسلم لیگ ن کا موازنہ کیا جائے تو ن لیگ پاس بہترین ٹیم ہے، اس وقت ملک کو تباہی سے صرف نواز شریف بچا سکتے ہیں۔

وقار احمد نے مزید کہا کہ ن لیگ میں آنا ایک سیاسی فیصلہ ہے، آصف علی زرداری کے ساتھ آج بھی تعلق ہے، جب بینظیر بھٹو شہید ہوئیں اس کے بعد کے واقعات سب کے سامنے ہیں، جب لیڈر تبدیل ہوتا ہے تو اس کے ساتھ پرانے لوگوں کا وہ تعلق نہیں رہتا، ہر نیا لیڈر اپنے ساتھ اپنا ویژن لے کر آتا ہے۔

دوسری جانب امیر مقام کا کہنا تھا کہ وقار احمد خان رکن سینیٹ اور وفاقی وزیر رہے، ملک کو اس طرح کے سیاست دانوں کی ضرورت ہے، ملک بھر سے سیاستدان نواز شریف کی لیڈرشپ میں ن لیگ میں شامل ہو رہے ہیں،  خیبرپختونخوا سے مزید کئی نام ن لیگ میں شامل ہوں گے۔

بول نیوز نے امیر مقام سے سوال کیا کہ کیا ناراض قیادت کو منانے کے ٹاسک میں کوئی کامیابی حاصل ہوئی؟ جس پر انہوں نے کہا کہ ان لوگوں کو نہیں منایا جائے گا جنہوں نے ن لیگ کے ٹکٹ پھینکے اور جیپ کے نشان پر الیکشن لڑا، ان لوگوں کو پارٹی نے 2018 کے الیکشن کیلئے ٹکٹ دیے، جو لوگ نواز شریف سے پیار کرتے ہیں اور وفادار ہیں صرف وہی اہم ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/813341/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/11/813341/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔