مسلم لیگ (ن) سندھ میں قدم جمانے اور بڑا سیاسی اتحاد بنانے کیلئے متحرک ہو گئی۔

تفصیلات کے مطابق مسلم لیگ (ن) کے مرکزی رہنما شاہ محمد شاہ نے سابق وفاقی وزیر اصغر علی شاہ سے ملاقات کی جس کے دوران ملک میں عام انتخابات سمیت سندھ کی سیاسی صورتحال پر تبادلہ خیال کیا گیا۔

اس دوران لیگی رہنما نے اصغرعلی شاہ کو پارٹی مین شامل ہونے دعوت دیدی۔

ملاقات میں بلدیاتی الیکشن کی طرح عام انتخابات میں ایک دوسرے کی سپورٹ جاری رکھنے پر اتفاق کیا گیا۔

یاد رہے کہ قائد نواز شریف کی ہدایت پر مسلم لیگ ن کا ایک وفد کراچی سمیت صوبہ سندھ کے دورے کے دوران نیا انتخابی اتحاد بنانے میں مصروف ہے۔

واضح رہے کہ الیکشن کمیشن اعلان کر چکا ہے کہ جنوری کے آخری ہفتے میں انتخابات کرائے جائیں گے جبکہ سپریم کورٹ میں 11 فروری کی تاریخ سامنے آئی تاہم صدر سے مشاورت کے بعد 8 فروری کی تاریخ پر اتفاق ہوا۔

قومی اسمبلی اور چاروں صوبائی اسمبلیوں کے انتخابات 8 فروری کو کرائے جائیں گے جس کا الیکشن کمیشن کی جانب سے باضابطہ طور پر نوٹیفکیشن بھی جاری کردیا گیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/839987/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/839987/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں