پاکستان علمائے کونسل کے چیئرمین علامہ طاہر محمود اشرفی نے کہا ہے کہ پاکستان میں کچھ لوگ پروپیگنڈا کرنا جانتے ہیں۔

علامہ طاہر محمود اشرفی نے میڈیا سے گفتگو کرتے ہوئے کہا کہ کشمیر اور فلسطین ہمارا مشترکہ مسئلہ ہے، آزاد اور خود مختار فلسطینی ریاست کا قیام مسئلے کا حل ہے، پاکستان فلسطینیوں کے ساتھ کھڑا ہے۔

انہوں نے کہا کہ پاکستان کے اندر معاشی استحکام آرہا ہے، پاکستان میں بڑی تعداد میں بزنس مین سرمایہ کاری کررہے ہیں۔

پاکستان علما کونسل کے چیئرمین نے کہا کہ پاکستان میں دوبارہ دہشتگردی کی لہر آئی ہے، پاکستان میں کچھ لوگ پروپیگنڈا کرنا جانتے ہیں۔

طاہر محمود اشرفی نے مزید کہا کہ پی اے ایف ایئر بیس کو محفوظ رکھنے پر پاک فوج خراج تحسین پیش کرتا ہوں۔

فلسطین/اسرائیل کشیدگی

واضح رہے کہ 7 اکتوبر سے اب تک شہید فلسطینیوں کی تعداد 9227 ہوگئی ہے جبکہ 25 ہزار سے زائد فلسطینی زخمی ہیں، تاہم شہید ہونے والوں میں بڑی تعداد بچوں اور خواتین کی ہے۔

اقوام متحدہ کے ذیلی ادارے یونیسیف نے غزہ کو بچوں کا قبرستان قرار دے دیا ہے جہاں پر 10 منٹ میں ایک بچہ شہید ہو رہا ہے جبکہ اسرائیلی بمباری سے 940 بچے  تاحال لاپتہ ہیں۔

یونیسیف کی رپورٹ کے مطابق غزہ میں روزانہ کی بنیاد پر 420 بچے شہید یا زخمی ہورہے ہیں۔

صہیونی فورسز کی وحشیانہ بمباری سے کئی عمارتیں ملبے کا ڈھیر بن گئیں اور شہر کھنڈر کا منظر پیش کرنے لگا ہے۔

جنگی جنون میں مبتلا اسرائیل کے خلاف دنیا بھر میں احتجاج جاری ہے تاہم بین الاقوامی برادری اسرائیلی جارحیت کو روکنے میں مکمل ناکام ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/853386/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/853386/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں