شمالی وزیرستان میں سیکورٹی فورسز کے آپریشن کے نتیجے میں 4 دہشتگرد ہلاک ہوگئے ہیں۔

پاک فوج کے شعبہ تعلقات عامہ (آئی ایس پی آر) کے مطابق سیکورٹی فورسز نے دہشت گردوں کی موجودگی کی اطلاع پر شمالی وزیرستان کے علاقے خیسور میں انٹیلی جنس بیسڈ آپریشن کیا، سیکورٹی فورسز کی کارروائی میں انتہائی مطلوب دہشتگرد سمیت 4 دہشتگرد مارے گئے۔

آئی ایس پی آر کے مطابق ہلاک ہونے والے دہشت گردوں سے ہتھیار اور بارودی مواد برآمد کرلیا گیا ہے، دہشت گرد علاقے میں دہشت گردی کی کئی وارداتوں میں ملوث تھے جبکہ مارے جانے والوں میں دہشتگردوں کا سرغنہ ابراہیم عرف موسیٰ بھی شامل تھا جوکہ قانون نافذ کرنے والے اداروں کو انتہائی مطلوب تھا۔

آئی ایس پی آر کا کہنا ہے کہ علاقے سے دہشتگردوں کے خاتمے کیلئے سینیٹائزیشن آپریشن جاری ہے، پاکستان کی سیکورٹی فورسز دہشت گردی کی لعنت کے خاتمے کے لئے پرعزم ہیں۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.bolnews.com/urdu/pakistan/2023/11/925223/amp/ کولائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/11/925223/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔