کنوینر ایم کیو ایم پاکستان ڈاکٹر خالد مقبول صدیقی نے کہا ہے کہ خالد مقبول صدیقی نے پورے ملک میں انقلاب لانے کی ذمہ داری لے لی۔

تفصیلات کے مطابق کنوینر ایم کیو ایم پاکستان ڈاکٹر خالد مقبول صدیقی نے کراچی کے علاقے سرجانی ٹاؤن میں جلسے سے خطاب کرتے ہوئے کہا کہ سرجانی میں یہ شب سنائی ہے جس میں بڑی رعنائی ہے، کسی بھی سیاسی جماعت کی صف میں اتنی بڑی تعداد میں خواتین نہیں ہوتیں، ہم اپنے حصے کا انقلاب لاچکے ہیں، پورے پاکستان کے حصے کا انقلاب لانے کی ذمہ داری لے رہے ہیں، اتنی بڑی تعداد میں جب مائیں بہنیں نکلیں گیں تو تبدیلی آئے گی۔

خالد مقبول صدیقی نے کہا کہ ہم نے صحیح راستہ صحیح وقت پر چنا ہے، آپ کے صبر نے ظالم اور جابر کے حوصلے توڑ کر رکھ دیے ہیں،2024 میں آنا والا سال میری ماؤں بہنوں کی حکمرانی کا ہوگا، جو بناتے ہیں وہ چلا سکتے ہیں، آپ کے مقدر کا دروازا بہت قریب ہے، فیصلہ روڈ پر نہیں ہمیں ووٹ کے ذریعے کرنا ہے، اس دفعہ نتیجہ ووٹ کے ذریعے آنا چاہیے نوٹ کے ذریعے نہیں۔

انہوں نے کہا کہ22 ہزار ارب ہم نے ایک جماعت کو ٹیکس کی شکل میں دیے ہیں، آپ نے اپنا حوصلہ جوڑ کر رکھا، کسی میں ہمت نہیں آپ کے ووٹ نہ گنے، اب الیکشن کے ذریعے سلیکشن ہونی چاہیے، سلیکشن کے ذریعے الیکشن نہیں ہونا چاہیے، حق پرستوں کا دور آنے والا ہے لیکن ہمیں سنبھل کر چلنا ہے، 8 فروری پاکستان کے مقدر کو بدلنے کا دن آپ کی وجہ سے ہوسکتا ہے۔