پاسپورٹ بنوانے والوں کے لیے بڑی خوشخبری آگئی ہے۔

تفصیلات کے مطابق وزارت داخلہ کی جانب سے جاری کردہ بیان میں کہا گیا ہے کہ پاسپورٹ پرنٹنگ میں تاخیرکی خبروں کا حقیقت سے کوئی تعلق نہیں، محکمہ امیگریشن اینڈ پاسپورٹ معمول کے مطابق پاسپورٹ کا اجراء کر رہا ہے۔

  بیان میں کہا گیا ہے کہ پاسپورٹ کیلئے درکار لیمینیشن پیپر کا بڑی مقدار میں انتظام ہوچکا، آج بھی ایک بڑی کھیپ محکمہ پاسپورٹ اینڈ امیگریشن کو موصول ہو جائے گی، لیمینیشن پیپر کی دستیابی سے پاسپورٹ کے اجراء کا عمل مزید تیز بنایا جا سکے گا۔

وزارت داخلہ کے مطابق سوشل میڈیا پر پاسپورٹ کی پرنٹنگ میں تاخیرکی جھوٹی خبروں سے مذموم عناصر بے چینی پھیلا کر مالی استحصال کرنا چاہتے ہیں۔