پاکستان مسلم لیگ (ن) کے قائد محمد نواز شریف اور پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمن میں آج اہم ملاقات ہوئی۔

تفصیلات کے مطابق مولانا فضل الرحمان پاکستان مسلم لیگ (ن) کے مرکزی سیکریٹیریٹ پہنچے۔

مسلم لیگ (ن) کے قائد محمد نواز شریف نے صدر جماعت شہباز شریف کے ہمراہ پارٹی سیکریٹریٹ آمد پر مولانا فضل الرحمان کا استقبال کیا۔

محمد نواز شریف اور مولانا فضل الرحمان کے درمیان ملاقات جاری ہے جس کے دوران دونوں قائدین مجموعی ملکی صورتحال، عام انتخابات کے انعقاد، سیاسی تعاون اور اشتراک عمل پر مشاورت کر رہے ہیں۔

ملاقات میں سینئر نائب صدر اور چیف آرگنائزر مریم نواز شریف، سینیٹر اسحاق ڈار، احسن اقبال، خواجہ سعد رفیق، مریم اورنگزیب اور دیگر راہنما بھی موجود ہیں۔