عازمین حج کے لئے انتہائی اہم خبر آ گئی ہے۔

تفصیلات کے مطابق گورنمنٹ اسکیم کے تحت حج 2024 کیلئے وصول ہونے والی درخواستوں میں 12 دسمبر تک صرف دو روز باقی رہ گئے ہیں۔

سرکاری اسکیم کے تحت حج درخواستیں جمع کرانے میں صرف 2 دن باقی ہیں، جبکہ حج کے لئے شہریوں کی درخواستوں میں نمایاں کمی ریکارڈ کی گئی ہے۔

سرکاری حج اسکیم کے تحت حج درخواستوں کی وصولی کا عمل آج اتوار کو بھی جاری ہے، ملک بھر کے حج درخواستیں وصول کرنے والے پندرہ بینک آج بھی کھلے ہیں۔

گزشتہ روز تک سرکاری اسکیم میں 28 ہزار حج درخواستیں جمع ہوسکی ہیں جبکہ سرکاری اسکیم کے تحت 89 ہزار حج درخواستیں وصول کی جانی ہیں۔

اسپانسرشپ اسکیم کے تحت 25 ہزار درخواستوں میں صرف 1550 حج درخواستیں موصول ہوئی ہیں جبکہ اسپانسرشپ اسکیم کے تحت ڈالرز میں اخراجات جمع کرائے جانے ہیں، تاہم حج درخواستیں پوری کرنے کے لئے تاریخ میں توسیع کا امکان ہے۔