الیکشن کمیشن آف پاکستان نے سیاسی جماعتوں کی تازہ ترین فہرست جاری کر دی ہے۔

تفصیلات کے مطابق الیکشن کمیشن کی فہرست میں 175سیاسی جماعتیں شامل ہیں۔

الیکشن کمیشن نے پارٹی سربراہان کی فہرست سے سابق چیئرمین پی ٹی آئی کا نام ہٹا دیا ہے، فہرست میں پی ٹی آئی کے نام کے ساتھ پارٹی قیادت کا خانہ خالی رکھا گیا ہے۔

سابق وزیردفاع پرویز خٹک کی جماعت پی ٹی آئی پارلیمنٹیرئنز کو سیاسی جماعتوں کی فہرست میں شامل کیا گیا ہے۔

دوسری جانب 8 فروری 2024 کو ہونے والے عام انتخابات کیلیے ملک بھر میں کاغذات نامزدگی جمع کروانے کا وقت ختم ہوگیا۔

کاغذات نامزدگی جمع کروانے کا وقت ختم ہونے کے بعد الیکشن کمیشن آف پاکستان کی جانب سے امیدواروں کی ابتدائی فہرست اور اسکروٹنی کل سے شروع ہوگی جو 30 دسمبر تک جاری رہے گی۔