اسلام آباد اور گردونواح میں ایک بار پھر سے زلزلے کے جھٹکے محسوس کیے گئے ہیں۔

تفصیلات کے مطابق اسلام آباد اور گردونواح میں زلزلے کے جھٹکے محسوس ہونے پر لوگوں میں خوف وہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔

زلزلہ پیما مرکز کے مطابق ریکٹر اسکیل پر زلزلے کی شدت 4.4 ریکارڈ کی گئی ہے جبکہ زلزلے کی گہرائی 16 کلو میٹر زیر زمین تھی۔

اسلام آباد اور گردونواح میں 5 بج کر 31 منٹ پر زلزلے کے جھٹکے محسوس کیے گئے، تاہم زلزلے کا مین مرکز جنوب مغرب کشمیر تھا۔

گزشتہ روز بھی وفاقی دارالحکومت اسلام آباد اور اس کے گردو نواح میں زلزلے کے جھٹکے محسوس کیے گئے جبکہ راولپنڈی، اٹک اور چکوال میں بھی زلزلے کے جھٹکے محسوس کیے گئے تھے۔

زلزلہ پیمامرکز کے مطابق ریکٹر سکیل پر زلزلے کی شدت 3 اعشاریہ 2 ریکارڈ کی گئی جبکہ زلزلے کی گہرائی 25 کلو میٹر زیر زمین تھی۔

زلزلہ 9:51 منٹ پر آیا ، زلزلے کے شدید جھٹکوں کے باعث شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے تھے۔