پاکستان تحریک انصاف کے 4 رہنماؤں کے کاغذات نامزدگی مسترد کردیئے گئے ہیں۔

تفصیلات کے مطابق پاکستان تحریک انصاف کے سابق صوبائی وزیر ڈاکٹر امجد علی، سابق رکن قومی اسمبلی سلیم رحمان، سابق اراکین صوبائی اسمبلی شرافت علی اور فضل حکیم خان کے کاغذات نامزدگی مسترد کردیئے گئے ہیں۔

الیکشن کمیشن حکام کے مطابق چاروں امیدواروں کے نام فورتھ شیڈول میں ہونے پر ان کے کاغذات نامزدگی مسترد کیے گئے۔

سلیم الرحمان نے این اے 2، فضل حکیم نے این اے 4، ڈاکٹر امجد علی نے پی کے 7 اور شرافت علی نے پی کے 3 پر کاغذات نامزدگی جمع کرائے تھے۔

واضح رہے کہ اس سے قبل الیکشن کمیشن کی جانب سے پاکستان تحریک انصاف کے رہنماء اور سابق وفاقی وزیر مراد سعید کے این اے 4 سے بھی کاغذات نامزدگی مسترد کیے جاچکے ہیں۔