سرکاری ملازمین کیلئے بُری خبر آگئی ہے۔

پنجاب حکومت کی جانب سے جاری کردہ نوٹیفیکیشن کے مطابق صوبائی حکومت نے دوران ملازمت وفات پانے والے سرکاری ملازمین کے لواحقین کو نوکری دینے کا قانون ختم کر دیا ہے۔

   جاری کردہ نوٹیفیکیشن کے مطابق دوران سروس وفات پانے والے افسران کی فیملی کی معاونت میں اضافہ کیا ہے۔ بی ایس 1 سے 11 تک کے سرکاری ملازمین کی وفات کے بعد لواحقین کو اب نوکری نہیں ملے گی۔

نوٹیفکیشن کے مطابق اسکیل 1 تا 4 کے ملازم کی فیملی کو دوران ملازمت وفات پانے پر اب 50 لاکھ روپے مالی معاونت ملے گی جبکہ اسکیل 5 تا 10 کے ملازمین کی فیملی کو 75 لاکھ روپے ملیں گے۔

اسکیل 11 تا 15 کے سرکاری ملازمین کے خاندان کو ایک کروڑ روپے اور اسکیل 16 اور 17 کے ملازمین کی فیملی کو ڈیڑھ کروڑ روپے ملیں گے۔

جبکہ اسکیل 18 تا 22 کے ملازمین کے خاندان کو 2 کروڑ روپے مالی معاونت کی مد میں ملیں گے۔