صدر استحکام پاکستان پارٹی آزاد کشمیر سردار تنویر الیاس نے کہا ہے کہ حکومت میں آکر اپنے وعدے وفا کریں گے۔

تفصیلات کے مطابق اسلام آباد استحکام پاکستان پارٹی آزاد کشمیر کے زیر اہتمام مشاورتی کنونشن سے خطاب کرتے ہوئے سردار تنویر الیاس نے کہا کہ آپ سب کے نام میرے دل میں ہیں، سیاسی جدوجہد کہیں نہ کہیں رنگ لاتی ہے جس کی ریاضت کی گئی ہوتی ہے۔

سردار تنویر الیاس نے کہا کہ آزاد کشمیر کے اندر انوار حکوت قانون سازی کے زریعے آواز بند کروانا چاہتے ہیں، ہمارے ہوتے ہوئے پونچھ کی دھرتی والوں سے بھتہ لے گا؟

انہوں نے کہا کہ ہمارے دور میں آزاد کشمیر میں ریکارڈر ٹیکس کلیکشن ہوئی، بجلی کے مسائل بھی تھے لیکن ہم نے حل کیے، موجودہ حکومت میں گورننس کی بدترین مثال سامنے آئی، لوگوں نے گزشتہ کئی ماہ سے بجلی بلات جمع نہ کروائے۔

ان کا کہنا تھا کہ کشمیر کے اندر جو خودمختاری کی بات کرتے ہیں نظریات کے اختلافات ہوسکتے ہیں لیکن یہ رویے ٹھیک نہیں ہیں، حریت رہنماؤں کے ناموں کی ایک بڑی تعداد ہے جو اپنے بنیادی حق کے لیے لڑ رہے ہیں، ہم گنوائیں گے کہ چوہدری انوار الحق محکموں کو کیسے استعمال کیا جاتا ہے، ہم نے بلدیاتی الیکشن کروائے تھے اور جلد ایک مرتبہ پھر حکومت میں آکر اپنے وعدے وفا کریں گے۔

سردار تنویر الیاس نے کہا کہ میں دل سے سب کو معاف کرتا ہوں میری کسی کے ساتھ کوئی عداوت نہیں ہے، ایل او سی کے دونوں اطراف ریاست کے لوگوں کا جو حق ہے وہ ہم دلائیں گے، ریاست بھر میں اضطراب اور بے چینی ہے اس کا ہمیں ادراک ہے اور وعدہ ہے کہ اس سے آپ کی جان چھڑائیں گے۔