آئی جی سندھ رفعت مختار راجہ کی زیر صدارت عام انتخابات سے قبل پولیس وہیکلز و تیکنیکی آلات کی موجودہ صورتحال کے حوالے سے جائزہ اجلاس ہوا۔

ترجمان سندھ پولیس کے مطابق آئی جی سندھ رفعت مختار راجہ کی زیر صدارت عام انتخابات سے قبل پولیس وہیکلز و تیکنیکی آلات کی موجودہ صورتحال کے حوالے سے جائزہ اجلاس میں ڈی آئی جی ٹی اینڈ ٹی نے بریفنگ دی جس میں پولیس وہیکلز سمیت تیکنکی آلات کی موجودہ صورتحال سے تفصیلی آگاہ کیا۔

آئی جی سندھ رفعت مختار راجہ نے کہا کہ پولیس کی تمام وہیکلز میں آرایف آئی ڈی ٹریکرز کی تنصیب کی تجویز کو جلد از جلد حتمی شکل دے کر یقینی بنایا جائے، پولیس وہیکلز کی نقل و حرکت کی ٹریکنگ کیساتھ ساتھ اخراجات اور ممکنہ نقصانات میں مذید کمی لائی جاسکے، پولیس وائرلیس سسٹم کا ازسرنو جائزہ لیکر باہم مشاورت اور تجاویز پر مشتمل جامع سفارشات تیار کی جائیں، عام انتخابات کے دوران وائرلیس نظام کے جملہ امور واقدامات کو غیرمعمولی اور کامیاب بنایا جاسکے۔

اس موقع پر ڈی آئی جی ہیڈکوارٹرز سندھ، ڈی آئی جی ٹیکنیکل اینڈ ٹرانسپورٹ سندھ کے علاوہ ڈی آئی جی فائنانس و دیگر سینئر پولیس افسران بھی موجود تھے۔