نیشنل اکنامک کونسل کی ایگزیکٹیو کمیٹی کا اجلاس ہوا جس میں اربوں روپے کے ترقیاتی منصوبوں کی منظوری دی گئی ہے۔ 

تفصیلات کے مطابق نگران وزیر خزانہ ڈاکٹر شمشاد اختر کی زیرصدارت نیشنل اکنامک کونسل کی ایگزیکٹیو کمیٹی کا اجلاس ہوا جس میں ایکنک نے 372 ارب روپے کے 9 ترقیاتی منصوبوں کی منظوری دے دی۔

جاری کردہ اعلامیے کے مطابق پورٹ قاسم تک تھر کول ریلوے منصوبے کی منظوری دے دی گئی، پورٹ قاسم سے تھر کول تک 53 ارب  72 کروڑ کا منصوبہ منظور کرلیا گیا۔

اعلامیے کے مطابق خیبر پختونخواہ میں فوڈ سکیورٹی کے منصوبے کی منظوری دے دی گئی جبکہ فوڈ سیکوریٹی منصوبے کی 25 ارب مالیت منظور کرلیے گئے۔

جاری کردہ اعلامیے کے مطابق سندھ میں سیلاب سے تباہ شدہ اسکولوں کی بحالی کے منصوبے کی منظوری دی گئی اور سندھ میں سیلاب سے تباہ اسکولوں کی بحالی کے لیے 86 ارب کے پراجیکٹس منظور کرلیے گئے۔

اعلامیے کے مطابق خیبر پختون خوا میں پناہ گزینوں کے بچوں کی تعلیم کے لیے 32 ارب منصوبہ منظور کرلیے گئے، پرائم منسٹر لیپ ٹاپ اسکیم  کے تحت  16 ارب روپے کا منصوبہ منظور کرلیے گئے اور خیبر پختون خواہ میں24 ارب روپے کا ہیومن کیپیٹل انوسٹمنٹ پروجیکٹ منظور کرلیا گیا ہے۔

جاری کردہ اعلامیے کے مطابق خواتین کو روزگار اسکیم کے لیے 31ارب کا پراجیکٹ منظور کرلیا گیا ہے، خواتین کو روزگار اسکیم کے تحت چھوٹے قرضے فراہم کیے جائیں گے۔

ایکنک نے 27 ارب روپے کے پشاور ناردرن بائی پاس پروجیکٹ کی منظوری دے دی، گریٹر تھل کینال کے لیے 38 ارب روپے کے منصوبے کی منظوری مؤخر کردی گئی، سکھر بیراج اور گڈو بیراج کی اپ گریڈیشن کے لیے 74 ارب روپے کا منصوبہ منظور کرلیا گیا۔