نگراں وزیرخزانہ ڈاکٹرشمشاد اختر نے کہا ہے کہ حکومت کیپٹیل مارکیٹ اور انشورنس انڈسٹری کو بہتر کرنے پر توجہ دے رہی ہے۔

تفصیلات کے مطابق نگراں وزیرخزانہ ڈاکٹرشمشاد اختر سے انٹرنیشنل فنانس کارپوریشن کی نائب صدر حیلا شیخروہو کی ملاقات ہوئی ہے۔

ملاقات میں گفتگو کرتے ہوئے نگراں وزیرخزانہ ڈاکٹرشمشاد اختر نے کہا کہ حکومت کیپٹیل مارکیٹ اور انشورنس انڈسٹری کو بہتر کرنے پر توجہ دے رہی ہے، حکومت سرمایہ کاری، ایکسپورٹ کی بنیاد پر ترقی اور سپیشل اکنامک زونز بھی بنارہی ہے۔

ڈاکٹرشمشاد اختر نے کہا انشورنس انڈسٹری سماجی تحفظ اور کلائمیٹ چینج کیلئے اہم کردار ادا کرسکتی ہے، انشورنس سیکٹر سے سرمایہ حاصل ہوتو کیپیٹل مارکیٹ ترقی کو تیز کرسکتی ہے۔

نگراں وزیرخزانہ ڈاکٹرشمشاد اختر نے کہا کہ حکومت ڈھانچہ جاتی مسائل کے حل کیلئے مختلف شعبوں میں اصلاحات لانے کیلئے پرعزم ہے۔

اس موقع پر نگراں وزیرخزانہ ڈاکٹرشمشاد اختر نے انشورنس سیکٹر اور ایکسپورٹ پروسیسنگ زونز میں سرمایہ کاری کیلئے آئی ایف سی کی حوصلہ افزائی بھی کی۔