پاک فوج کی جانب سے سوار محمد حسین شہید کے 52ویں یوم شہادت کے موقع پر خراج عقیدت پیش کیا گیا ہے۔

پاک فوج کے شعبہ تعلقات عامہ (آئی ایس پی آر) کے مطابق افواج پاکستان، چیئرمین جوائنٹ چیفس آف سٹاف کمیٹی اور سروسز چیفس نے کا سوار محمد حسین شہید، نشان حیدر کے 52ویں یوم شہادت کے موقع پر خراج عقیدت انہیں خراج عقیدت پیش کیا ہے۔

آئی ایس پی آر کے مطابق 1971کی پاک-بھارت جنگ کے دوران ظفر وال شکر گڑھ سیکٹر پر سوار محمد حسین شہید نے بلا خوف و خطر اور بے مثال جرات کے ساتھ دشمن کو بھاری نقصان پہنچایا، ظفر وال کے محاذ پر سوار محمد حسین شہید نے تن تنہا16بھارتی ٹینکوں کو بھی تباہ کیا۔

آئی ایس پی آر کا کہنا ہے کہ بِلاشُبہ سوار محمد حسین شہید کا یومِ شہادت افواج پاکستان کی مادر وطن کیلئے قربانیوں کا مظہر ہے، پاکستان کے درخشندہ ستارے جنہوں نے ملک کی آبرو کیلئے جان نچھاور کی بِلاشُبہ عزت و تکریم کے مستحق ہیں، پوری قوم کو اپنے بہادر سپوتوں پر فخر ہے۔