آئی جی سندھ نے لاڑکانہ اور سکھر پولیس رینج کا دورہ کیا ہے۔

ترجمان سندھ پولیس کے مطابق آئی جی سندھ رفعت مختار راجہ نے لاڑکانہ میں اجلاس کی صدارت کی اور شہید بینظیر بھٹو کی برسی کے موقع پر سیکیورٹی اقدامات کا جائزہ لیا۔

اجلاس میں کچے امن و امان کی صورتحال،شہید بینظیر بھٹو کی برسی کے موقع پر سیکیورٹی اقدامات کا تفصیلی جائزہ لیا اور آئی جی سندھ رفعت مختار راجہ کو پولیس چاک چوبند دستے نے سلامی دی۔

آئی جی سندھ نے کہا کہ شہید بینظیر بھٹو کی برسی کے موقع پر حفاظتی انتظامات ہر لحاظ سے جامع اور فول پروف بنایا جائے، کراچی:گڑھی خدا بخش میں  فرائض پر مامور پولیس جوانوں کے طعام،رہائش سمیت فلاح کے اقدامات کے لیئے خاطر خواہ انتظامات کیئے جائیں۔

ترجمان سندھ پولیس کے مطابق آٸی جی سندھ رفعت مختار راجہ نے گڑھی خدا بخش بھٹو میں جلسہ گاہ، سی سی ٹی وی مانٹرنگ سسٹم اور پارکنگ ایریاز کے حفاظتی انتظامات،، سینئر پولیس افسران سے کچے کے علاقوں میں امن وامان کی صورتحال سمیت ڈاکوؤں کے خلاف جاری انٹیلیجینس بیسڈ آپریشن میں پولیس کارکردگی کا بھی تفصیلی جائزہ لیا۔

رفعت مختار راجہ