پشاور: عام انتخابات کے لیے امیدواروں کی جانب سے الیکشن ٹریبونل میں کاغذات نامزدگی کی منظوری یا مسترد ہونے کے خلاف اپیلیں جمع کرنے کا سلسلہ آج بھی جاری ہے۔

تفصیلات کے مطابق امیدواروں کی جانب سے الیکشن ٹریبونل میں جمع کرائی گئیں اپیلوں میں سے اب تک 50 اپیلیں سماعت کے لیے منظور کی جا چکی ہیں۔

عام انتخابات کے لیے امیدواروں کی جانب سے الیکشن ٹریبونل میں کاغذات نامزدگی کی منظوری یا مسترد ہونے کے خلاف اپیلیں اپیلیں جمع کرانے کی آج آخری تاریخ ہے جس کے بعد 10 جنوری تک ان اپیلوں پر سماعت ہوگی۔

امیدوار اپنے کاغذات 12 جنوری تک واپس لے سکیں گے جبکہ امیدواروں کو انتخابی نشان 13 جنوری کو دیے جائیں گے اور عام انتخابات 8 فروری کو ہوں گے۔

الیکشن کمیشن کے مطابق ملک بھر میں 28 ہزار 626 کاغذاتِ نامزدگی جمع کرائے گئے تھے۔