ڈرائیونگ لائسنس بنوانے والوں کیلئے بڑی خبر آ گئی ہے۔

شہری رانا علی حسنین نے ڈرائیونگ لائسنس کی فیسوں میں اضافے کا نوٹیفکیشن لاہور ہائیکورٹ میں چیلنج کردیا۔

درخواست گزار نے درخواست میں نگران پنجاب حکومت اور آئی جی سمیت دیگر کو فریق بنایا ہے۔

درخواست میں مؤقف اختیار کیا گیا کہ ڈرائیونگ لائسنس کی قیمتوں میں اضافہ قانون کے منافی ہے، نگران حکومت کے پاس اضافی ٹیکسز لگا کر قیمتوں میں اضافے کا اختیارنہیں ہے۔

مؤقف میں کہا گیا کہ نگران حکومت روز مرہ کے معاملات چلانے کے لیے ہے اور قیمتیں بڑھانا اس کے اختیار میں نہیں ہے۔

درخواست میں استدعا کی گئی کہ لاہور ہائیکورٹ ڈرائیونگ لائسنس کی قیمتوں میں اضافے کا نوٹیفکیشن کالعدم قرار دے اور پرانے ریٹس پر ہی ڈرائیونگ لائسنس بنانے کا حکم جاری کرے۔