اسلام آباد: سینیٹ نے فوج اور سیکیورٹی افسران کے خلاف منفی پروپیگنڈا کرنے پر سخت سزا کی قرارداد اتفاق رائے سے منظور کرلی۔

تفصیلات کے مطابق سینیٹ اجلاس میں پاک فوج مخالف پروپیگنڈے کے خلاف قرارداد پیپلز پارٹی کے سینیٹر بہرہ مند تنگی نے پیش کی جو اتفاق رائے سے منظور کرلی گئی۔

فوج کے خلاف پروپیگنڈا
سخت سزا کی قرارداد سینیٹ میں منظور
براہ راست دیکھیں:https://www.bolnews.com/urdu/pakistan/2024/01/451439/amp/#BOLNews #Senate pic.twitter.com/BIAnelxnD2

— BOL Network (@BOLNETWORK) January 2, 2024

قرارداد کے متن میں کہا گیا کہ سوشل میڈیا پلیٹ فارم پرپاک فوج کےخلاف بدنیتی پرمبنی پروپیگینڈا کیا جا رہا ہے۔

سینیٹ اجلاس میں پیش کردہ قرارداد میں کہا گیا کہ سینیٹ حکومت سے سفارش کرتی ہے کہ وہ افواج پاکستان اور دیگر سیکیورٹی اداروں کے خلاف منفی اور بدنیتی پر مبنی پروپیگنڈے میں ملوث پائے جانے والوں کو عوامی عہدے سے 10 سال کی نااہلی سمیت سخت سزا دینے کے لیے ضروری اقدامات اٹھائیں۔

سینیٹ میں بہرہ مند تنگی نے منظور پشتین کو ملک دشمن قرار دیتے ہوئے کہا کہ جو بھی اس ایوان میں فوج کے خلاف بات کرتا ہے اس کی زبان کاٹ دی جائے۔

سینیٹر بہرہ مند تنگی نے ایوان بالا میں اظہار خیال کرتے ہوئے کہا کہ آج بلوچستان میں کروڑوں لوگ ہیں، بلوچستان سے کوئی محب وطن اغواء نہیں ہوا۔

بعدازاں ایوان نے سینیٹر بہر مند خان تنگی کی قرارداد اتفاق رائے سے منظور کرلی جبکہ تحریک انصاف کے ارکان نے بھی قرارداد کی حمایت کی۔