پشاور: عوامی نیشنل پارٹی (اے این پی) کی جانب سے بروقت انتخابات کا مطالبہ کیا گیا ہے۔

عوامی نیشنل پارٹی کی رہنما شگفتہ ملک نے بول نیوز سے گفتگو کرتے ہوئے کہا کہ ملک میں عام انتخابات بروقت ہونے چاہیئں، اگر الیکشن نہیں ہوں گے تو پھر جمہوریت اور عوامی سیاست کی بات کیسے کر سکتے ہیں۔

انہوں نے کہا کہ انتخابات کے لئے تیاریاں زور و شور جاری ہیں، عوامی نیشنل پارٹی نے الیکشن کمپیئن کا آغاز کر دیا ہے۔

شگفتہ ملک نے کہا کہ عوامی نیشنل پارٹی اپنی منشور پر مکمل عمل درآمد کرے گی، اے این پی جمہوریت پر یقین رکھتی ہے۔

عوامی نیشنل پارٹی کی رہنما کا کہنا تھا کہ ہم الیکشن کے لیے مکمل طور پر تیار ہیں، ہم نے اپنے منشور اور ٹکٹوں کا اعلان پہلے ہی کر دیا ہے۔

شگفتہ ملک نے مزید کہا کہ کچھ جماعتیں انتخابات کا التواء چاہتی ہیں، جو جماعتیں انتخابات سے بھاگ رہی ییں وہ عوام میں جانے سے ڈر رہی ہیں۔