ملک کے مختلف اضلاع کے 14 ماحولیاتی نمونوں میں پولیو وائرس کی تصدیق ہوئی ہے۔

ترجمان وزارت صحت کے مطابق پشاور کے 3، حیدر آباد کے 2 اور کراچی شرقی کے 2 نمونوں میں پولیو وائرس پایا گیا ہے۔

ترجمان کا کہنا ہے کہ کراچی وسطی، کیماڑی اور غربی سے ایک ایک نمونے میں وائرس پایا گیا جبکہ سکھر، کوئٹہ، کوہاٹ اور اسلام آباد کے بھی ایک ایک نمونے میں وائرس رپورٹ ہوا۔

وزارت صحت کے ترجمان نے بتایا کہ تمام نمونوں میں پایا جانے والا پولیو وائرس سرحد پار سے آیا ہے۔

ترجمان وزارت صحت نے عوام سے اپیل کی کہ صرف پولیو ویکسینیشن کے ذریعے ہی بچوں کو محفوظ بنایا جاسکتا ہے، والدین پانچ سال سے کم عمر بچوں کو لازمی پولیو کے قطرے پلوائیں۔