کوئٹہ: بلوچستان میں حکومت سازی کے حوالے سے کافی جوڑ توڑ کا سلسلہ جاری ہے۔

بلوچستان کی وزارت اعلیٰ کی دوڑ میں شامل اہم شخصیات کے نام سامنے آگئے ہیں، بلوچستان میں وزارت اعلیٰ کے لئے نواب اسلم رئیسانی، صادق سنجرانی، جام کمال، سرفراز بگٹی یا نواب ثناء اللہ زہری کے نام شامل ہیں۔

پیپلز پارٹی، جے یو آئی اور ن لیگ بلوچستان میں زیادہ نشستیں حاصل کرنے میں کامیاب رہیں، تاہم پیپلز پارٹی کے نواب ثناء اللہ زہری اور سرفراز بگٹی منصب کی دوڑ میں شامل ہیں۔

ن لیگ کے جام کمال وزیر اعلیٰ کے منصب کے لیے اہم ہو سکتے ہیں جبکہ جمعیت علماء اسلام کے نواب اسلم رئیسانی بھی وزیر اعلیٰ کے امیدوار ہیں۔

علاوہ ازیں بی اے پی کو وزارت اعلیٰ کا منصب ملا تو صادق سنجرانی امیدوار ہوں گے۔

وزارت اعلیٰ کے لیے صوبے کی بڑی سیاسی جماعتوں کے درمیان رابطوں کا سلسلہ شروع ہوگیا ہے، تاہم ن لیگ اور پیپلز پارٹی کے مرکزی قائدین کی ملاقاتیں بھی وزیر اعلیٰ بلوچستان کے لیے اہم ہو سکتی ہیں۔