ایک اور حلقہ میں امیدوار کی وفات کے باعث الیکشن ملتوی کردیے گئے ہیں۔

رحیم یار خان سے پنجاب اسمبلی کی نشست پی پی 266 کے امیدوار چوہدری اسرار گوندل انتقال کر گئے۔

اسرار گوندل تحریک نوجوانان پاکستان پارٹی کے امیدوار تھے، تاہم ریٹرننگ افسر نے امیدوار کے وفات کی رپورٹ الیکشن کمیشن کو بھجوا دی ہے۔

واضح رہے کہ اب تک چار حلقوں میں انتخابات ملتوی کیے جا چکے ہیں، تاہم این اے 8 اور پی کے 22 باجوڑ میں آزاد امیدوار ریحان زیب کے قتل کے بعد انتخابات ملتوی کیے گئے۔

اس کے علاوہ پی کے 91 کوہاٹ میں اے این پی کے امیدوار کی وفات کے باعث الیکشن ملتوی ہوئے جبکہ مذکورہ حلقوں میں الیکشن کا شیڈول عام انتخابات کے بعد جاری کیا جائے گا۔

یاد ریے کہ عام انتخابات سے قبل قومی وصوبائی اسمبلیوں کے 88 امیدوار انتقال کر گئے۔