لاہور: پی پی 149 سے ایک اور امیدوار رانا ریاست استحکام پاکستان پارٹی (آئی پی پی) کے صدر عبدالعلیم خان کے حق میں دستبردار ہو گئے۔

رانا ریاست کی عبدالعلیم خان سے ملاقات ہوئی جس میں انہوں نے پی پی 149 میں بھرپور حمایت کا اعلان کر دیا۔

دوران ملاقات رانا ریاست نے کہا کہ پی پی 149 کے رہائشی عبدالعلیم خان کی شخصیت کے معترف اور گرویدہ ہیں۔

عبدالعلیم خان نے رانا ریاست کی دستبرداری کا خیر مقدم کیا اور کہا کہ مل کر خدمت کریں گے۔

دوسری جانب پی پی 149 سے سابق ناظمین، کونسلرز اور سیاسی عہدیداروں نے بھی عبدالعلیم خان سے ملاقاتیں کیں۔

اس موقع پر عبدالعلیم خان نے وفود سے گفتگو کرتے ہوئے کہا کہ خدمت خلق کے جذبے کے ساتھ سیاست کو عبادت سمجھ کر کرتا ہوں، میری سیاست ضرورت مندوں کی خدمت سے شروع ہو کر خدمت پر ہی ختم ہوتی ہے۔

انہوں نے کہا کہ اس علاقے میں 22 برسوں سے بلا امتیاز فلاحی کام جاری ہے، ہر رہائشی کا دکھ درد سمجھتا ہوں، پی پی 149 سے ہمیشہ جو پذیرائی ملی اُس پر اللہ کے ہاں سجدہ شکر بجا لاتا ہوں۔

امیدوار پی پی 149 نے کہا کہ شعیب صدیقی کی سربراہی میں حلقے میں انتخابی مہم کامیابی سے جاری ہے، گڑھی شاہو، باجا لائن، اچنت گڑھ، ریلوے کالونی کے علاقوں میں شعیب صدیقی کی ڈور ٹو ڈور مہم جاری ہے۔

واضح رہے کہ آصف شاہ، زین العابدین، مقصود لاہوری، عمران یوسف اور ماجد کمبوہ، رضوان مشتاق، جمیل گجر، اکمل قادری، رانا عبدالرحیم، باؤ جاوید طارق اور بوٹا گجر بھی اس موقع پر موجود تھے۔