پشاور: خیبرپختونخوا کا وزیر اعلیٰ کون ہوگا؟ اس حوالے سے پاکستان تحریک انصاف (پی ٹی آئی) میں گروپ بندی جاری ہے۔

ذرائع نے بتایا ہے کہ وزیراعلیٰ خیبرپختونخوا کے لیے کئی گروپ بن چکے ہیں، سابق اسپیکر اسد قیصر اپنے بھائی عاقب اللہ کو وزیر اعلیٰ بنانے کے خواہ ہیں۔

خیبرپختونخوا کا وزیر اعلیٰ کون ہوگا؟
پی ٹی آئی میں گروپ بندی
براہ راست دیکھیں:https://www.bolnews.com/urdu/pakistan/2024/02/778854/amp/ #BOLNews #PTI pic.twitter.com/idYneziB81

— BOL Network (@BOLNETWORK) February 12, 2024

اس کے علاوہ ڈی آئی خان سے علی امین گنڈا پور بھی وزیر اعلیٰ بننے کے لیے کوشاں ہیں۔

ذرائع کے مطابق عاطف خان کی جانب سے اپنے گروپ سے سی ایم نامزدگی کی خواہش ظاہر کی گئی ہے جبکہ الیکشن کمیشن کی جانب سے پی کے 79 پر نتائج روکنے کے بعد تیمور جھگڑا بھی ڈور میں شامل ہیں۔

ذرائع نے مزید بتایا کہ ہزارہ ڈویژن سے مشتاق غنی اور اکبر ایوب بھی وزیر اعلیٰ کے لیے امیدوار ہیں۔

اس موقع پر عاطف خان کا کہنا تھا کہ امید کرتے ہیں بانی چیئرمین خود وزیر اعلیٰ نامزد کریں گے، وہی وزیر اعلیٰ ہونا چاہیے جس کا کردار صاف ہو۔

دوسری جانب بیرسٹر محمد علی سیف نے کہا کہ پشاور ہائیکورٹ میں نتائج چینلج ہے، ہائی کورٹ سماعت کے بعد تفصیلی غور ہوگا۔