گوادر پورٹ اتھارٹی کمپلیکس پر دہشت گردوں کے حملے کی مذمتی قرارداد سندھ اسمبلی میں جمع کرادی گئی ہے۔

پاکستان پیپلز پارٹی کی رکن سعدیہ جاوید نے گوادر پورٹ پر دہشت گردوں کے حملے کی مذمتی قرارداد جمع کرائی۔

قرار داد کے متن میں کہا گیا کہ گوادر بندرگاہ پر دہشت گردی کی بزدلانہ کارروائی کی شدید مذمت کرتا ہے، ہم سمجھتے ہیں کہ ایسی حرکتیں ہمیں بحیثیت قوم خوفزدہ نہیں کر سکتیں۔

سعدیہ جاوید نے قرار داد میں کہا کہ اس موقع پر ہم چوکس اور چوکس افواج کو خراج تحسین پیش کرتے ہیں، جنہوں نے بروقت دشمنوں کے ناپاک عزائم کو ناکام بنایا۔

قرار داد کے متن میں مزید بتایا گیا کہ ہم آخری دشمن کا تعاقب کرنے اور ان کی فیصلہ کن شکست کو یقینی بنانے کے لیے پرعزم ہیں۔

واضح رہے کہ گزشتہ روز سیکیورٹی فورسز نے گوادر پورٹ اتھارٹی کمپلیکس پر بی ایل اے کا حملہ ناکام بنادیا تھا اور جوابی کارروائی میں 8 دہشت گرد ہلاک ہوگئے تھے۔