وزیراعظم شہباز شریف نے اقتصادی رابطہ کمیٹی کی سربراہی کا فیصلہ واپس لے لیا ہے۔

اس حوالے سے جاری کردہ نوٹیفکیشن کے مطابق وزیرخزانہ محمد اورنگزیب کو ای سی سی ( اقتصادی رابطہ کمیٹی ) کا چیئرمین مقرر کردیا گیا ۔

وزیر اعظم شہباز شریف نے کابینہ کی 7 کمیٹیاں تشکیل دے دیں، جن میں اقتصادی رابطہ کمیٹی (ای سی سی) اور کابینہ کمیٹی برائے توانائی (سی سی او ای) شامل ہیں۔

ذرائع کے مطابق وزیراعظم  شہباز شریف کو خدشہ تھا کہ وہ اپنے مصروف شیڈول اور مصروفیات کی وجہ سے اقتصادی رابطہ کمیٹی کے اجلاسوں کی صدارت نہیں کر سکیں گے۔

نوٹیفکیشن کے مطابق ای سی سی ارکان میں تجارت، پاور اور پیٹرولیم کے وفاقی وزرا شامل ہیں، اقتصادی امور اور منصوبہ بندی کے وفاقی وزراء کمیٹی ارکان کا حصہ ہیں۔

نوٹیفکیشن کے مطابق اس سے قبل ای سی سی ( اقتصادی رابطہ کمیٹی ) کے چیئرمین وزیراعظم خود تھے۔