کراچی: انسپکٹر جنرل سندھ پولیس (آئی جی) غلام نبی میمن نے کہا ہے کہ حضرت علیؓ کے یوم شہادت کے موقع پر سندھ بھر میں فول پروف سیکیورٹی اقدامات کو یقینی بنایا جائے۔

آئی جی سندھ غلام نبی میمن نے حضرت علیؓ کے یوم شہادت کے موقع پر اپنے جاری کردہ بیان میں کہا کہ مرکزی جلوس کی گزرگاہوں، مجالس کے مقامات پر سیکیورٹی کے مجموعی امور کو مربوط اور مؤثر بنایا جائے۔

انہوں نے کہا کہ جلوس کے روٹس، مرکزی اجتماعات کی سیکیورٹی کو واچ ٹاورز اور بلند عمارتوں پر پولیس و اسنائپرز کی ڈپلائمنٹ کو یقینی بنایا جائے اور مرکزی جلوس سے ملنے والے تمام راستوں، انٹری پوائنٹس پر سیکیورٹی کو ہرلحاظ سے غیر معمولی بنایا جائے۔

غلام نبی میمن نے کہا کہ مختلف علاقوں سے برآمد ہونے والے مرکزی اور چھوٹے بڑے جلوسوں کے اطراف کے علاقوں میں انٹیلی جنس کو مزید بڑھایا جائے۔

معلومات کے حصول شیئرنگ اور فالو کرنے کے عمل میں تاخیر ہر گز نہ کی جائے۔

آئی جی سندھ نے مزید کہا کہ ضلع ٹو، ضلع تھانہ ٹو تھانہ روابط حکمت عملی پر دوران اسنیپ چکنگ، پیٹرولنگ اور سرچنگ پر خصوصی فوکس رکھا جائے۔