امریکا کی ہارورڈ یونیورسٹی کے طالبعلموں نے لاہور کے تاریخی مقامات کا دورہ کیا۔

تفصیلات کے مطابق ہارورڈ یونیورسٹی کے طالبعلموں کے اس وفد کو شاہی قلعے سمیت مغل بادشاہوں کی تعمیرات کا دورہ کرایا گیا، اس موقع پر طلبا نے تاریخی آثار کے دورے کو زندگی کا یادگار تجربہ قرار دیا۔

28 رکنی وفد کی قیادت پاکستانی طالبعلم محمد صادق نے کی ، طالبعلموں نے لاہور کے تاریخی دہلی دروازے سے اپنے دورے کا آغاز کیا اور شاہی حمام بھی دیکھا۔

https://www.bolnews.com/urdu/wp-content/uploads/2024/03/00055.mp4?_=2

دہلی گیٹ کے اندر تاریخی اور تنگ گلیوں سے گزر کر طالبعلموں کا یہ وفد وزیر مسجد پہنچا، بعد ازاں انہوں نے تاریخی شاہی قلعہ کا دورہ کیا۔

ہارورڈ یونیورسٹی کے طالبعلموں نے شیش محل میں گہری دلچسپی کا اظہارکیا اور انہیں بادشاہی مسجد کا دورہ بھی کرایاگیا۔