پاکستان تحریک انصاف نے ہم خیال سیاسی جماعتوں کے ساتھ مشترکہ گرینڈ الائنس تشکیل دے دیا، جسکی سربراہی محمود خان اچکزئی کو دینے پر اتفاق کرلیا گیا۔

ذرائع کے مطابق محمود خان اچکزئی تین دن کے اندر مولانا فضل الرحمان سے بھی ملاقات کر کے الائنس میں شمولیت کی دعوت دیں گے، جس کے بعد احتجاجی تحریک کا لائحہ عمل ترتیب دیا جائے گا۔

ذرائع کے مطابق یہ فیصلےاپوزیشن کی پانچ جماعتوں کےاجلاس میں کیےگئے، اجلاس میں جماعت اسلامی سے لیاقت بلوچ، پختونخوا ملی عوامی پارٹی کے محمود اچکزئی، بلوچستان نیشنل پارٹی کے اختر مینگل، تحریک انصاف کے چیئرمین گوہر خان، مجلس وحدت المسلمین کے سربراہ علامہ راجہ ناصر عباس شریک ہوئے۔

اجلاس میں پی ٹی آئی کے اسد قیصر اور اپوزیشن لیڈر عمر ایوب نے بھی شرکت کی۔

اس اہم بیٹھک میں اپوزیشن اتحاد کی تشکیل سے متعلق امور پر مشاورت کی گئی جبکہ کچھ اہم فیصلے بھی کیے گئے۔