پاکستان میں انسانی حقوق کی صورتحال پر امریکی محکمہ خارجہ کی سالانہ رپورٹ جاری کردی گئی ہے۔

رپورٹ کے مطابق پاکستان میں کئی شعبوں میں انسانی حقوق کی خلاف ورزیوں کی قابل اعتماد رپورٹس ہیں، پاکستان میں گزشتہ سال انسانی حقوق کی صورتحال میں خاص تبدیلی نہیں دیکھی گئی، پاکستان میں غیرقانونی حراست، سیاسی قیدی، آزادی اظہار پر سنگین پابندیوں کی نشاندہی کی گئی۔

پاکستان میں میڈیا کی آزادی، صحافیوں پر تشدد اور گرفتاریوں کے حوالے سے بھی رپورٹ جاری کی گئی۔

رپورٹ میں کہا گیا کہ گزشتہ سال خواتین صحافیوں کو خاص طور پر جنسی تشدد، ہراسانی کے خطرات کا سامنا کرنا پڑا، پاکستان میں شہریوں کی گمشدگیاں، سنسرشپ کے مسائل بھی رپورٹ میں درج ہین۔