بشام میں دہشت گردی میں ہلاک ہونے والے چینی شہریوں کے لیے نور خان ایئر بیس پر پھول رکھنے کی تقریب منعقد ہوئی۔

تفصیلات کے مطابق صدرِ پاکستان آصف علی زرداری، وزیرِ اعظم شہباز شریف ،چیئرمین جوائنٹ چیفس آف اسٹاف کمیٹی جنرل ساحر شمشاد کی جانب سے پھول رکھے گئے۔

چیف آف آرمی اسٹاف جنرل عاصم منیر اور چیف آف ایئر اسٹاف ظہیر احمد بابر سدھو کی جانب سے بھی نور خان ایئر بیس پر پھول رکھے گئے۔

اس موقع پر آنجہانی چینی باشندوں کے احترام میں 30 سیکنڈ کی خاموشی بھی اختیار کی گئی۔

حکومت پاکستان نے دہشت گردی کے اس گھناوٴنے فعل کی شدید مذمت کرتے ہوئے اس عزم کا اعادہ کیاکہ دہشت گردوں اور ان کے سہولت کاروں کو انصاف کے کٹہرے میں لانے کے لیے تمام ضروری اقدامات کیے جائیں گے۔

https://www.bolnews.com/urdu/wp-content/uploads/2024/04/WhatsApp-Video-2024-04-01-at-8.21.41-AM.mp4?_=2