ملک میں برسات کے نئے سسٹم کی آمد کے ساتھ ہی کراچی میں بھی موسم بدلنے لگا، کل سے شہرقائد کے چند علاقوں میں ہلکی بارش کا امکان ہے۔

محکمہ موسمیات کے مطابق 13 اور 14 اپریل کو کراچی، سکھر، لاڑکانہ سمیت سندھ کے دیگر مقامات پر آندھی اور بارش متوقع ہے۔

کراچی سمیت سندھ کے مختلف شہروں میں کل (13 اپریل)  سے آندھی کے ساتھ بارش کی پیش گوئی کی گئی ہے۔

محکمہ موسمیات کے مطابق چوبیس گھنٹوں کے دوران کراچی کا موسم گرم اور مرطوب رہے گا۔

بلوچستان میں مغربی ہواؤں کا نیا سسٹم داخل ہونے کے بعد آج سے 20 اضلاع میں بارشوں کی پیشگوئی کی گئی ہے۔

 نئے سسٹم سے کوئٹہ، ژوب، پشین، دالبندین، بارکھان ، سبی، گوادرا ور تربت میں بارش ہوگی، بارشوں کا سلسلہ آئندہ دو روز تک جاری رہنے کا امکان ہے۔

محکمہ موسمیات کے مطابق کوئٹہ میں گزشتہ روز گرد آلود تیز ہواؤں کے ساتھ بارش ہوئی ، جس کے بعد موسم خو شگوار ہو گیا۔